Dette skjer på kampdag: Hødd – Sandnes Ulf
Det er klart for flaumlyskamp og seriestart i OBOS-ligaen når Hødd tek imot Sandnes Ulf på Høddvoll tysdag kl. 19.00. Her er informasjon om kva som skjer før og under kampen: Toppfotball Billettar og kampdagsinfo Blåsarane miniBlå Hødd-supporter
Felt Blå opnar til denne kampen, plassert på enden av felt E. Hit har Blåsarane og miniBLÅ flytta, og plassane er «safe standing». Felt Blå har ein kapasitet på 100 tilskodarar. Dei som skal stå på Felt Blå, kan nytte både inngang 1 og 2.
Tilskodarane får oppleve Høddvoll litt annleis visuelt under innmarsjen i år samanlikna med tidlegare sesongar. Kom og sjå!
Brygga Sportsbar i Ulsteinvik har ope i timane før kamp. Her kan du lade opp med drikke og god mat. NB! For Hødd-supportarar i Oslo, minner vi om at Gamle Bjørungs har blitt Hødd-pub og offisiell møtestad i hovudstaden. Puben ligg like bak slottet, og viser alle Hødd-kampar.
Vi opnar for inngang på Høddvoll 75 minutt før kampstart. Billettar kan du kjøpe her!
Billettkontoret opnar 75 minutt før kampstart. Hødd-butikken blir ikkje opna før til Haugesund-kampen grunna nytt varelager og endring av konsept.
Bortesupporterar har inngang ved Høddvoll Panorama, inngang 6.
