TRIPPELSIGNERING PÅ PLASS
Simen Olafsen (24) og Håvard Mork Breivik (19) signerte måndag ein avtale med Hødd ut 2020-sesongen. Begge to kjem på lån frå høvesvis Levanger FK og AaFK. Førre veke signerte også Michael Phillip Bal Singh (22) for Hødd ut 2020-sesongen på lån frå Lørenskog.
Simen kjem frå spel i Levanger FK og har våre kaptein for laget i årets sesong. Ein solid og god midtstoppar som vil gå inn å styrke Hødd.
Håvard kjem frå spel i AaFK og er ein ung og lokal forsvarsspelar frå Hareid som har hatt ei flott utvikling i AaFK dei siste åra. Grunna Covid-19 har Håvard dessverre ikkje fått spelt kampar i 3. divisjon år, men fekk eit lite innhopp mot Viking i Eliteserien i september. Håvard var uheldig i fjorårets sesong å pådrog seg eit beinbrot, men han har jobba godt med opptreninga og er no klar for fullt igjen.
Michael kjem frå Lørenskog og er ein offensiv spelar som kan spele i alle dei offensive posisjonane. Vi såg tydeleg i innhoppet i førre heimekamp at han kan vere ein flott tilvekst til laget med sine offensive kvalitetar.
Med det får vi inn ein talentfull allsidig forsvarsspelar med gode ferdigheiter og bra trøkk i spelet. Ein lokal unggut med den rette innstillinga.