PETER HASUND HAR SIGNERT
Peter Hasund har i dag signert ei amatørkontrakt med Hødd ut 2020 sesongen.
Peter har gått gradene i klubben og vart i forkant av 2018 sesongen teken opp i A-stallen til Hødd. Han står oppført med 30 kampar og 6 mål for Hødd i PostNord-ligaen og NM. Debuten i Hødd-drakta kom i 2018 borte mot Skeid.
Peter signerte i dag ei amatørkontrakt med Hødd og spelar i Hødd-drakta i 2020!
Hovudtrenar Kevin Knappen seier dette i ein kommentar:
- Peter er godt kjent i miljøet her omkring, ein stor og robust spiss og ein god avsluttar. Med denne signeringa komplimenterer vi angrepsrekka, og det gir oss fleire strengar å spele på.
Peter kommenterer dette til Hødd:
- Eg er veldig glad for å signere for Hødd, og gler meg veldig til å kome i gang med årets sesong.
Vi gratulerer Peter med ny kontrakt i Hødd!
FAKTA
-
Namn: Peter Hasund
-
Fødd: 9. juni 1999
-
Posisjon: Spiss
Annonse:
