Joachim Osvold inn og Preben Sætre forlenga
Joachim Osvold blir Hødd-spelar og samtidig forlenga Preben Sætre kontrakta.
Sportssjef André Nevstad seier dette:
«Joachim Osvold er ein spelar vi har følgt ei periode, han har ei fortid både i LSK og Bodø/Glimt. Han har også spelt i Finland og Tyskland. Denne hausten har han spelt for Levanger FK saman med Joakim Wrele, der han fekk 13 kampar etter overgangen frå Bodø/Glimt i sommar. Joachim var på besøk med oss i november, og vi har stor tru på at han kan tilføre laget nyttige kvalitetar i angrepet. Han er ein typisk spiss, god i boks, bra fysikk, hardtarbeidande og med potensiale til å score mål. Joachim kjem oppover på nyåret og blir ein del av Hødd-stallen»
«Vi er godt fornøgde med at Preben Sætre har forlenga ut 2018-sesongen. Preben er ein spelar som kan spele på fleire plassar i laget og er ein fantastisk flott fyr å ha med seg vidare. Ein ekstremt lojal spelar som alltid gir 100% for laget. Preben fekk med seg 17 seriekampar i 2017, og blir garantert ein viktig bidragsytar for Hødd i 2018»
