Villum Dalsgaard på lån til Hødd til sommaren
Villum Dalsgaard kjem til Hødd på lån frå FC Nordsjælland til sommaren. Toppfotball
Den unge og spennande kantspelaren frå Danmark er kjend for sine offensive ferdigheiter og evna til å utfordre i éin-mot-éin-situasjonar, kvalitetar som vil styrke laget i den offensive fasen av spelet.
Sportssjef Jesper Törnqvist er godt nøgd med å få avtalen på plass:
– Når moglegheita opna seg for ei låneløysing med FC Nordsjælland, og vi samstundes fekk ein uavklart skadesituasjon i fremste ledd, kom klubbane raskt til semje om eit lån av Villum. Villum er ein spelar med sterke kvalitetar i éin-mot-éin spelet offensivt, og han skal inn for å gjere oss endå meir konkurransedyktige i starten av sesongen. Vi gler oss til å sjå Villum saman med resten av Hødd-gutane i kamp seinare i dag!
Villum Dalsgaard har gått gradene i akademiet til FC Nordsjælland og har teke viktige steg i utviklinga si dei siste åra. No ser både spelar og klubb fram til ein spennande vårsesong i Hødd-drakta.
Velkomen til Hødd!
