VELLUKKA START PÅ JUBILEUMSÅRET
IL Hødd gjennomførte eit vellukka Kick-off for jubileumsåret laurdag kveld på Sjøborg.
Rundt 300 personar hadde funne vegen til kultursalen der det vart tre timar med underhaldning. Rundt 35 høddarar vart intervjua på scena av leiaren i jubileumskomiteen, Arne Flatin. I tillegg var det sceneframsyningar av alle gruppene inkludert ei mannekengframsyning der gamle drakter vart viste fram i tillegg til den nye jubileumskolleksjonen. Det heile vart avslutta med gullklokke til Steffen Moltu for 300 A-kampar og Tom Vågen, «kongen av Høddvoll», som song «Sola mi».
Komiteen som består av Andre Nevstad, Ragnhild Kriken Garnes, Liv-Janne Dalehamn og Eldor Skeide, i tillegg til nemnde Flatin, har fått mange gode tilbakemeldingar etter laurdagen.
Jubileumsåret skal markerast på ulike måtar utover året mellom anna med ein offisiell jubileumsfest på Ulstein Arena 21.september. I tillegg vert det markeringar under Smak av Ulstein i juni. Det skal skrivast ei 100-årsbok og det vert fotoutstiling på biblioteket gjennom sommaren.
Jubileumskolleksjonen vil for øvrig vere til sals ulike stader, mellom anna på G-sport Hofseth. Meir informasjon om dette kjem etter kvart.
