Tøff utfordring i første serierunde
Hødd 2 spelar årets første seriekamp i Norsk Tipping-ligaen søndag når laget møter Florø borte. Eit lag Hødd spelte mot i 2021 i PostNord-ligaen. Kampstart 16.00!
Vi har i dag tatt oss ein prat med hovudtrenar for rekruttlaget, August Nyland.
Du kom frå Molde FK i vinter og har brukt vinteren godt med å førebu laget til seriestart? Korleis har oppkøyringa vore?
- Oppkøyringa har vore veldig varierande. Vi har ikkje fått ein maksimal oppkøyring med tanke på å jobbe med lag og struktur, men vi føler derimot at vi har lagt til rette for maks utvikling innanfor rammene for alle spelarane i stallen.
Føler du laget er klar til seriestart?
- Ja, på mange vis. Det med den største tryggheta om at vi jobba med gode fotballspelarar. Det er slik i ein 2. lags-setting at ein har varierte tropper frå kamp til kamp, men vi er samla som klubb veldig klar for å ta utfordringa med begge hender!
Florø i serieopninga. Kva tankar gjer du deg rundt denne kampen?
- Florø kjem frå PostNord-ligaen, og kjem til å gi oss ein artig utfordring. Vi møter dei på gras no tidleg på året, som gir våre gutar nokre utfordringar på måten å spele på, duellspel og så vidare som vi er veldig klar på. Samtidig er vi mest opptatt av å vere oss sjølve gjennom kampar og gjennom sesongen, ein skal kjenne igjen eit Hødd rekruttlag når ein ser det!
Har du alle spelarane tilgjengelig til kampen?
Ja!
