Thomas har ei fortid i Follo og Notodden og midtstopparen er no klar for å ta steget vidare i Hødd. 

- Vi er glade for å ha sikra oss underskrifta til Thomas, og gleda oss til å få han på Høddvoll. Ein 100%-ar med leiareigenskapar som er god i det oppbyggande spelet. Ein god duellspelar som også bruka å score ein del mål, seier Sportssjef Jesper Törnqvist. 

Hovudtrenar Joakim Dragsten seier dette i ein kommentar:  

- I Thomas får vi inn ein botnsolid type som er dedikert og har eit stort ønske om å utvikle seg vidare som fotballspelar. Han kjem heilt sikkert til å passe svært godt inn i spelargruppa. Vi får ein solid forsvarsspelar som er god med ballen og har ein veldig god pasningsfot, velkomen til Thomas.  

Hødd Fotball ønskjer Thomas hjarteleg velkomen til klubben!