Takk for innsatsen, Frode!
Etter meir enn 20 år som frivillig i Hødd takkar vi no av ein ekte klubbmann. Frode Gjerde har i ei årrekkje vore ein viktig del av miljøet rundt A-laget, og har spesielt sett sitt preg på keeperarbeidet i klubben. Frivillige
Frode har gjennom mange sesongar hatt rolla som keepertrenar rundt A-laget, der han har jobba tett med keeperane både på trening og kamp. Arbeidet hans har vore viktig i utviklinga av fleire keeperar, og han har vore ein stabil og positiv bidragsytar i trenarteamet.
Han kjenner rolla godt etter mange år i klubben, og har vore ein sentral del av oppfølginga av keeperane – både i A-laget og i utviklingsmiljøet rundt rekrutt og yngre spelarar.
Frode har også bakgrunn som spelar i klubben. Som ung var han ein lovande midtbanespelar og fekk med seg 36 kampar og eitt mål for A-laget i spelarkarrieren. I tillegg har han gjennom åra bidrege i fleire roller rundt lag i klubben, mellom anna i arbeidet med yngre spelarar og aldersbestemte lag.
Frode har som frivillig gjort ein strålande innsats for Hødd over fleire år. I over to tiår har han stilt opp for klubben – på feltet, i garderoben og rundt laget – og vore ein person mange spelarar og trenarar har hatt stor nytte av.
Gjennom desse åra har Frode vore ein viktig del av miljøet i Hødd, og ein som alltid har vore villig til å bidra når klubben har hatt behov. Slik innsats er heilt avgjerande for at ein klubb som Hødd skal fungere i kvardagen.
Med dette ønskjer vi å rette ein stor takk til Frode for innsatsen gjennom alle desse åra.
Tusen takk for alt du har lagt ned for Hødd!
