Sesongkort: Tysdag er siste gjenkjøpsdag

Tysdag 31. januar er siste gjenkjøpsdag av sesongkort. Etter det vert alle sesongkorta som ikkje er gjenkjøpt frigitt til nysalet som startar onsdag morgon.

Arve Moldskred og Per Hatløy var to av dei mange som var innom Høddvollhuset for å kjøpe igjen sesongkorta sine mandag formiddag.

- Eg har trua, og er sikker på at vi går rett opp, seier Per.

- Eg er einige i det. Men vi treng nokre spennande spelarar utanfrå også, ikkje berre eigne juniorar, meiner Arve.

Begge har i alle fall sikra seg stolsetet sitt for 2017, slik over 1 000 andre også har gjort.

#ejemed