Serieopning mot Gjøvik-Lyn
Laurdag starta alvoret og kampen om 3 poeng! Her er siste nytt før morgondagens bortekamp!
Endeleg er det klart for seriestart etter ei lang oppkøyring med fleire treningskampar. No er det poeng det skal kjempast om og Hødd-laget virka å vere i rute og er tippa å kjempe i toppen om opprykk. Vi gler oss!
Kampstart 13.00!
Les meir om morgondagens kamp under.
HØDD
Hødd har gjennomført gode treningskampar i vinter og laget har hatt fin progresjon i spelet frå den første kampen til den siste kampen i generalprøva mot Øygarden.
I morgondagens intervju vil du kunne lese meir om kva hovudtrenar Joakim Dragsten seier om oppkøyringa til sesongen og morgondagens serieopning mot Gjøvik-Lyn!
Laget starta dagen i dag med ei lett økt og ein god lunsj på Høddvollhuset. I 12-tida reiste laget vidare i retning Gjøvik med buss og laget skal vere godt førebudde til det som ventar i kampen laurdag.
GJØVIK-LYN
Heimelaget gjorde reint bord i fjorårets sesong og vann 13 av 13 seriekampar i Norsk Tipping-ligaen. På sine 13 seriekampar scora Gjøvik-Lyn 49 mål og slepte inn 9 mål. Det er solide tal, men nivået i PostNord-ligaen er nok høgre, og vi tippa klubben har som målsetjing om å sikre plassen og etablere seg i divisjonen.
Lagets hovudtrenar er Espen Haug. Han har med seg Chris Coates og Leif Tore Linnerud som assistenttrenarar. Keepertrener er Tor Oddmar Lillereiten.
*VG har gjort sine vurderingar av alle laga i PostNord-ligaen. VG sitt tips er at Gjøvik-Lyn endar på 9. plass. Les meir om den totale vurderinga av alle laga her!
Vi trur derfor at Hødd vil styre mykje av spelet i morgon og at heimelaget vil ligge kompakt defensivt og satse på kontring. Balansen i laget blir derfor viktig når ein er i angrep for å unngå for store rom til å få kontring i mot på.
Vi trur heimelaget stiller med same start 11ar som i generalprøva mot Kvik Halden.
BILLETTINFORMASJON
BLÅSARANE PÅ VEG
Vår 12 mann Blåsarane er på veg for å støtte laget! Vi håper også alle andre som bor i nærheita også tek turen på kamp. Bli med Blåsarane å syng med under kampen!
SLIK SER DU KAMPEN PÅ TV
Vi oppmoda alle med blått hjerte 💙 som ikkje skal til Gjøvik om å møte opp på Brygga Sportsbar å sjå kampen der. Til fleire som er der, til bedre stemning blir det!
Kampen blir også streama på Sunnmørsposten og Vikebladet (*krever abonnement).
Det vil også bli oppretta ein kamptråd på vår Facebook-side der ein kan følgje dei viktigaste hendingane frå kampen.
Etter kampen vil det bli lagt ut kampreferat frå enten Vikebladet Vestposten eller Sunnmørsposten.
Vi ønsker laget lykke til i kampen mot Gjøvik-Lyn!
KAMPFAKTA
-
POSTNORD-LIGAEN 2022 AVD. 2
-
GJØVIK-LYN - HØDD
-
GJØVIK STADION
-
09.04.2022 KL. 13:00