Rekruttlaget møter Bergsøy
Både rekruttlaget og G15 skal i aksjon i helga. Hødd 2 Møreakademiet
Hødd 2 - Bergsøy
Rekruttlaget møter Bergsøy på Høddvoll fredag kl. 18.30
Hødd 2 har tre poeng etter tre kampar i årets 4. divisjon, og trenar Matt Saunders ventar seg ein ny, jamn kamp:
- Eg trur det blir ein tøff kamp som vi skal ut og angripe. Vi kjem truleg til å ha mykje ball, og så håpar eg at vi klarar å skape meir enn vi har gjort i det siste. Eg trur vi møter eit Bergsøy-lag som legg seg lågt, så kampen blir nok ikkje så ulik den vi hadde sist mot Spjelkavik 2.
Hødd - Rosenborg
Hødd G15 Nasjonal møter Rosenborg i Volda søndag kl. 15.30. Laga møttest i seriestarten, og då vann heimelaget 2-0 i Trondheim. Hødd har fire poeng etter fem kampar, medan Rosenborg står med full pott.
Trenar Christer Johansen seier følgjande før kampen:
- Eg håpar på ein god fotballkamp, der vi viser endå meir guts i spelet vårt enn sist mot Kristiansund. Vi må vere litt råare på å ta ut mann, ha gode avstandar i laget og vere modige med ballen. Elles går det i å gjenskape mykje av det vi gjorde i ein bra bortekamp mot Rosenborg.
