PREVIEW: HØDD - FLORØ

Cupkamp og toppoppgjer i 6.divisjon

Onsdag er det endeleg kamp på Høddvoll igjen! 

Først ut er cup-oppgjeret mot Florø kl. 18.00. Rett etter denne kampen er det duka for toppoppgjer mot Hasundgot i 6.divisjon for Hødd 3. Du kan derfor få med deg to gode kampar på Høddvoll denne kvelden! Men først ut er Hødd - Florø som du kan lese meir om under.

Vi håper mange tek turen til Høddvoll onsdag kveld og støttar dei blåkvite til avansement til 3. runde i NM. Husk å sikre deg billett til kampen her!

Dersom du treng hjelp med å kjøpe billett til kampen kan du gjere dette på følgande tidspunkt:

Husk også at dersom du skal ha Pizzabuffet i tillegg til billett, så er fristen onsdag kl. 12.00 for å sikre deg denne type billett.

Om Florø

Florø var før opprykket til OBOS-ligaen i 2016 ein stabilt god klubb i 2. divisjon der dei hamna på 6. plass to år på rad.

I opprykkssesongen var dei det klart beste laget, og enda henhaldsvis 6 og 24 poeng framfor dei to neste laga. Toppscorar Endre Kupen scora då heile 26 mål, i tillegg til Erlend Hove og Rashad Muhammed sine 21 mål til saman. Kupen vart også svært viktig i fjorårets sesong då Florø hamna på øvre halvdel i OBOS-ligaen, sidan han scora 14 av klubbens 42 mål. Kupen vart i vinter selt til Eliteserien-laget Bodø/Glimt, men vart alvorleg skada og er ute heile sesongen. I tillegg er verken Erlend Hove eller Rashad Muhammed fortsatt i klubben, så Florø er ganske svekka. Ein av OBOS-ligaen sine betre backar, Christopher Lindquist, forsvann også frå klubben i vinter.

Florø opna sesongen bra med uavgjort i Mjøndalen og siger mot Kongsvinger, men har etter det tapt tre kampar på rad, forutan cupavansementet. I dei tre tapta har dei møtt to gode lag i Aafk og Åsane borte, men 1-4-tapet på heimebane mot Notodden var av den svake sorten, sjølv om nyopprykka Notodden ligg på ein svært imponerande 4. plass hittil. 

Spelarprofilar på Florø

Laget er, som skrive tidlegare, svekka frå fjoråret. Det hjelp ikkje på at midtstopparbautaen Runar Hove er ute med ei potensiell langtidsskade, som han fekk i serieopninga mot Mjøndalen. Han blir skildra av fleire som OBOS-ligaen sin beste midtstoppar og vil etter kvart spele på eit høgare nivå. I tillegg til å vere solid i midtforsvaret, så er han farleg offensiv. Han scora heile 6 mål frå midtstopparplass i fjor! Men Hødd slepp heldigvis å måtte møte han.

Midtstopparkollega og kaptein Vegar Gjermundstad er også ein god og stabil spelar.

Keeper Nicklas Frenderup hadde ikkje ein spesiell god sesong i fjor, til trass for klubben sine gode prestasjonar, og vart aldri heilt trygg i buret. Dette er noko Hødd kan og bør utnytte med farlige innlegg og langskot.

På topp kjem Florø til å starte med enten færøyske Patrik Johannesen eller Halvor Solheim-Olsen på topp. Johannesen er, kontra Kupen, ein ”target-spiss” i staden for ein bakromsspiss, så dersom han skal spele, må Florø leggje opp spelet sitt litt annleis enn med kontringsspelet sitt i fjor. Hittil i sesongen er det kun Peter Aase, Erik Eikeng og Halvor Solheim-Olsen som har scora mål i ligaen, så det kan vere naturleg å tru at dei kjem til å starte kampen, dersom laget vel å satse på Cupen. 

Om kampen

Hødd fekk ein dårleg oppleving borte mot ”Kåffa” i helga der, som i Murphys lov, alt som kunne gå gale gjekk gale. Straffebom, fleire tverrliggar-skot og utvisning gjorde det vanskeleg å få med seg poeng frå hovudstaden. Florø sleit også i førre kamp, så det er to lag som er lystne på å kome tilbake på rett spor. Cupen er også ei god anleiing for fleire spelarar å vise seg fram, så vi får forhåpentlegvis sjå eit Hødd-lag med glød kl. 18.00 onsdag kveld. 

Det kan vere at Florø vel å nedprioritere cupen for å kunne ha full konsentrasjon om å halde seg i OBOS-ligaen. Klarer Hødd å verte meir effektive enn dei var i førre heimekamp mot Vard, så skal ein ikkje sjå vekk ifrå at divisjonsforskjellen blir mindre tydeleg. Sjølv om Hødd tapte 2-4 mot Florø i ein treningskamp tidlegare i vinter, så er dette ein heilt anna kamp. Hødd og cupen har ei spesiell kopling, og vi går for at dei ”blåkvite” kan stelle i stand nok eit cupeventyr. Heia Hødd!

Korleis kan eg sjå eller følge kampen live?

Kampen er heilt klart best å sjå live på stadion og vi håper du sett av eit par timar på Høddvoll onsdag kveld for å støtte dei blåkvite til avansement til 3. runde i NM!

Kampen blir også streama på Sunnmørsposten og Vikebladet (For abonnent) for dei som ikkje har anledning til å ta turen til Høddvoll. 

Vi vil også opprette ein kamptråd på Facebook og Twitter med laupande oppdatering frå kampen.

I tillegg vil vi legge ut bileter frå før, under og etter kamp på Snapchat, Facebook og Instagram. 

Dagen etter vil det bli lagt ut eit kampreferat, samt videohøgdepunkt frå kampen.

Dagens kampsponsor

HEIA HØDD!