Oliver Eliassen Aske har signert for Hødd
Oliver Eliassen Aske har signert si første profesjonelle kontrakt med Hødd, og avtalen gjeld i første omgang ut 2025-sesongen. Toppfotball
Oliver er stolt over å få sjansen
- Som ein lokal spelar som starta i Hødd som 5-6 åring, så har alltid målet vore å signere for klubben. Eg er stolt og privilegert og ser fram til fortsettinga.
Hovudtrenar Marius Bøe seier at det no starta ei ny epoke for Oliver.
- Oliver er ein dedikert og målretta spelar som har kjempa seg gjennom ei lang periode med skade. Etter at Oliver no har signert proffkontrakt, starta ei ny epoke, der han kan vere tilgjengeleg for spel i OBOS-ligaen. Hardt arbeid over tid er nøkkelen til denne moglegheita.
Dagleg leiar og sportssjef Jesper Törnqvist seier Oliver no tek steget inn som fullverdig spelar i A-stallen.
- Oliver har hatt ein trøblete periode med skadar, men har no stått godt i trening i ei god periode og er klar for det neste steget. Vi er veldig glade for at Oliver no tek steget inn som fullverdig spelar i A-stallen og håper og trur at han vil utvikle seg i takt med laget, slik at vi saman kan sjå på tida framover også etter 2025-sesongen.
Vi gratulerer Oliver!
