Notisar frå Høddvoll
Her er dei siste nyheitene frå Høddvoll.
Villum Dalsgaard reiser heim
Låneavtalen til danske Villum Dalsgaard er no over, og 19-åringen har returnert til Danmark. Der ventar treningsleir med Nordskjælland. Om han kan verte å finne i Hødd-drakta i haust igjen er enno uvisst.
Riise til talentleir
Bror Riise er teken ut til den nasjonale talentleiren for G15 i Porsgrunn denne veka. Samlinga samlar dei fremste spelarane i landet og er den siste før uttaket til dei aldersbestemte landslaga.
Søre Sunnmøre er også representert ved Toni Tepuric frå Bergsøy og Oskar Drabløs frå Volda. Alle tre spelar til dagleg for Hødd sitt G15-lag i den nasjonale serien.
Ventar stor oppslutning frå Godset-fansen
Møter Spjelkavik i NM
Spjelkavik blir Hødd sin motstandar i første runde av NM. Kampen blir spelt på Spjelkavik kunstgrasbane laurdag 22. august klokka 16.00.
Sju Hødd-lag til Norway Cup
Snart er det klart for årets Norway Cup, der Hødd stiller med sju lag. Desse fordeler seg på tre jentelag og fire gutelag.
Historisk milepåle på Høddvoll
Heimekampen mot Strømsgodset laurdag 4. juli blir historisk. Det blir Hødd sin kamp nummer 1000 på nivå to i norsk fotball – som den første klubben i landet til å nå denne milepålen.
Jubileet blir markert med prosjektet «1000 Blå hjarter», der supportarar kan vere med og setje sitt namn på eit permanent hjarte på Høddvoll. Mange har allereie bidrege, og klubben håpar endå fleire blir med på markeringa.
Fanzone før avspark
Før kampen mot Strømsgodset blir det fanzone i Ulsteinhallen. Mellom aktivitetane er eit stort hoppeslott med hinderløype, i tillegg til fleire tilbod for små og store før avspark.
