Mathias Kaarsbo til Hødd
Lyngby og Hødd er einige om ein utlånsavtale for den danske midtbanespelaren Mathias Kaarsbo. Avtalen gjeld ut sesongen og inneheld ein opsjon på kjøp. Toppfotball
Midtbanespelaren spelte 16 kampar for Lyngby førre sesong, men har fått avgrensa med speletid i starten av årets Superliga-sesong.
20-åringen har også landskampar for Danmark på U19-nivå.
– Mathias er ein spelar med gode kvalitetar med ballen, som passar godt inn i spelestilen vår og samtidig vil styrkje konkurransen i laget. Vi har følgt han over ein periode, og då moglegheita for eit lån med opsjon på kjøp kom, ønskte vi å nytte oss av den. Vi takkar Lyngby for ein god og ryddig prosess, seier sportssjef Jesper Tørnqvist.
Kaarsbo sluttar seg til Hødd-troppen umiddelbart og er klar for si første trening med laget torsdag.
Velkomen til Hødd, Mathias!
