Hødd sin eigen Halvdan Sivertsen (berre sjå likskapen) har gått gradene som spelar i Hødd, og står bokført med 68 kampar og ni mål. 65-åringen, som no er pensjonert frå arbeid på bilverkstad, har både kone, barn og barnebarn. Han har også eit lite gardsbruk på Ulstein, men Karsten finn du på Høddvoll store delar av dagane.

Korleis starta forholdet ditt til Hødd?

- Mitt forhold til Hødd starta på Hødd sitt yngste lag med Leif Dimmen som trenar. Etter det har eg gått alle gradene oppover i klubben.

Kva er det som gjer at du likar å vere på Høddvoll?

- Her på Høddvoll er det miljøet som er veldig fint. Det er alltid kjekt å møte både nye og gamle kjente ansikt her oppe.

Kva er primæroppgåva di på Høddvoll?

- Den viktigaste oppgåva mi er å ordne med utstyr og sørge for at herrelaget har det som trengst til både trening og kamp. Eg er også med i dugnadsgjengen som er ei kjempeflott gruppe.

Kva er det beste med fotballklubben Hødd?

- Det aller beste må vere det fantastiske anlegget vi har som legg til rette for at både born, ungdom og vaksne kan spele fotball. Det er også mange flinke trenarar som brukar tida si til dette.

Korleis trur du sesongen endar for herrelaget i år?

- Eg har veldig trua på årets sesong. Vi har eit godt trenarteam og ein god spelarstall, så det bør verte opprykk!