Manaf Rawufu forlenger med Hødd ut 2028
Hødd er glade for å kunne melde at Manaf Rawufu har signert ein ny avtale med klubben som strekkjer seg ut 2028-sesongen. Toppfotball
Manaf har hatt ei positiv utvikling sidan han kom til Hødd, og blir no med vidare på reisa i blått og kvitt.
Ønskjer å utvikle meg vidare
Manaf er glad for å ha framtida si avklart og ser fram til å fortsetje utviklinga på Høddvoll.
- Eg har valt å signere ein ny avtale med Hødd fordi eg trivst veldig godt her. Eg ønskjer å byggje vidare på det vi har starta, og halde fram med å utvikle meg både som person og spelar.
- Klubben har teke godt vare på meg heilt sidan eg kom hit, og eg set utruleg stor pris på å få fortsetje reisa saman med Hødd, seier Manaf.
Har stor tru på vidare utvikling
Sportssjef Jesper Törnqvist er svært nøgd med at Manaf har valt å forlengje kontrakten.
- Vi er svært glade for at Manaf har valt å forlengje avtalen med Hødd ut 2028. Han har vist ei veldig god utvikling sidan han kom til klubben, og vi har stor tru på at han kan ta endå fleire steg i åra som kjem.
Jesper trekkjer også fram betydninga av at spelarar som utviklar seg i klubben, ønskjer å vere med vidare.
- I vår modell er det viktig at spelarar som utviklar seg og tek steg i klubben, også gir noko tilbake. Difor er vi ekstra glade for at ein spelar som er inne i ei så positiv utvikling, vel å forlengje med Hødd allereie no.
- Det viser både tru, ambisjonar og lojalitet, og vi ser fram til å følgje utviklinga hans vidare, avsluttar Törnqvist.
Vi gratulerer Manaf med ny kontrakt og ser fram til fortsetjinga i blått og kvitt!
