MAGNUS BRUUN-HANSSEN KLAR FOR HØDD
Magnus Bruun-Hanssen (23) har i dag signert ein toårsavtale med Hødd Fotball.
Magnus Bruun-Hanssen har spelt for Åsane sidan 2016 og står oppført med 66 kampar for klubben i denne perioden. I 2020 var han på utlån i 2. divisjonsklubben Sotra der han spelte 15 kampar. Midtstopparen går no til Hødd og skal spele i blått dei neste to åra.
Hovudtrenar Kevin Knappen seier dette i ein kommentar:
- Ny sterk signering! I Magnus Bruun-Hanssen (23) får vi ein svolten midtstoppar som har dei kvalitetane vi vil ha inn i laget. Magnus er ein robust midtstoppar, med bra fart og gode ballferdigheiter. Han har fleire år og OBOS-liga kampar med Åsane, og det siste året har han spelt for Sotra. Vi er glade for at Magnus var tydeleg på at han ønska ein overgang til Hødd.
Vi ønsker Magnus velkomen til Hødd!
Annonse:
