Kragset: - Vi er optimistar
Ole Per Kragset har fortsatt god tru på opprykk for damelaget.
Hødd spelte 1-1 på Høddvoll i kampen mot Surnadal/Søya/Todalen, og det er dermed full spenning før returmøtet i Surnadal søndag kl. 15.00.
- Kva tenkjer du om uavgjort i første møtet?
- Det var ein tøff og jamn kamp mot eit fysisk sterkt lag, men eg meiner vi burde ha vunne. S/S/T var nøgde med uavgjort etter kampen, det var ikkje vi, seier trenar Ole Per Kragset.
- Er du optimistisk med tanke på returkampen og sjansen til opprykk?
- Ja, eg meiner vi har skaffa oss eit godt utgangspunkt. Vi har plukka godt med poeng på bortebane i år, og første kampen viste at vi bør ha gode muligheiter til å klare brasene.
- Blir laget sjåande ut som i forrige helg?
- Det får treningsveka vise. Ellen fekk seg ein smell og er usikker, men ellers ser det bra ut. Vi lærte mykje av første kampen, og reiser nordover fulle av optimisme.
