Jets Vacuum AS har signert ny avtale
Jets Vacuum AS har inngått ein ny hovudsponsoravtale med Hødd Fotball for dei neste tre åra.
Hødd Fotball og Jets har blitt einige om ein avtale som strekkjer seg ut 2026-sesongen. Jets har vore ein solid og trufast støttespelar over fleire år, og vi i Hødd Fotball er særs glade for å forlenge dette samarbeidet med nye tre år. Jets sin logo vil derfor pryde Hødd-drakta i topp- og breiddefotballen dei neste tre åra.
CEO Jets Vaccum AS, Øyvind Tørlen
- Jets ønsker å bidra til barn og unge sine oppvekstvilkår i regionen og fremme glede, stoltheit og meistring. Hødd Fotball skaper positiv og sunn aktivitet for 500 jenter og gutar i vårt lokalområde og er ein naturleg samarbeidspartner for oss. Ser fram til 3 år med sportslege oppturar og nedturar, men ikkje minst mykje spenning og entusiasme!
- Hødd Fotball er svært takksame for at Jets forlenga samarbeidet og fortsette som hovudsponsor dei neste tre åra. Jets har vore ein lang og trufast samarbeidspartnar for Hødd Fotball i mange år, og vi setter stor pris på at vi kan fortsette det gode samarbeidet i åra som kjem. Ein slik avtale er med på å oppretthalde det gode aktivitetstilbodet i Hødd Fotball, både for liten og stor, seier marknad- medieansvarleg i Hødd, André Aurvåg Gardshol.
Hødd Fotball ønsker å takke Jets Vacuum AS for avtalen og ser fram til eit godt samarbeid vidare.
