Jesper blir permanent Hødd-spelar

Jesper kom på lån til Hødd, i første omgang ut juni månad. No har Hødd og Tromsø blitt einige om at Jesper blir permanent Hødd-spelar. Han har derfor skreve under på ei kontrakt ut 2026!

Hovudtrenar Marius Bøe seier Jesper er ein spennande vingback.

- Jesper er ein spennande vingback med Eliteserieerfaring. Jesper har fått flott skulering i eit godt fotballmiljø i Tromsø. No går vegen vidare til Ulsteinvik. Her skal han ilag med resten av troppen ta nye steg i eit solid utviklingsmiljø. Velkomen til klubben.

Jesper ser fram til  å jakte vidare utvikling.

- Den første månaden min på lån gav såpass meirsmak at eg veldig gjerne ville fortsette i Hødd. Derfor er eg veldig glad for moglegheita til akkurat det, det blir spennande. No gleda eg meg til å jake vidare utvikling med resten av laget.

Dagleg leiar og sportssjef Jesper Törnqvist seier Jesper er ein backtype som passa godt inn i Hødd.

- Vi har i fleire år sett på Jesper som ein potensiell Hødd-spelar, og vi er derfor glade for å ha landa ein overgang og kontrakt med han ut 2026. Han er ein ung backtype som passar godt inn i måten vi ønsker å spele på, og i strategien vår.

- I tillegg har vi blitt godt kjende med Jesper i utlånsperioden i vår, og vi ser at han er ein fin type som glir rett inn i miljøet og garderoba. Vi ønsker Jesper Velkomen i blått og takkar TIL for ein god prosess!

Vi gratulerer Jesper med kontrakt i Hødd!