- Det er ei stund sidan vi hadde 28 supportarar reisande frå Ulsteinvik på overnattingstur med Blåsarane, seier Guttorm Vartdal i Blåsarane-styret før søndagens bortekamp mot Fana.

Han forventar over 100 Hødd-supportarar på kampen mot Fana.

- I tillegg til oss som reiser, er det mange lokale som bur i Bergen og brukar å ta turen når Hødd spelar i området, så det blir mange i blått og kvitt der ja, seier han.

Blåsarane reiser laurdag, og skal på kvelden også sjå Brann-Molde. Eit Brann med ex-Høddarar som Sivert Heltne Nilsen, Lars Arne Nilsen og Manu Torres, mot laget som vi seinare i månaden møter i 2. runde i cupen på Høddvoll.

Men søndag skjer det viktige, Fana-Hødd!