Før kampen: Raufoss - Hødd

Det var knyta stor spenning til kampen mellom Skeid og Jerv laurdag. Heimelaget var klart best store delar av kampen mot laget frå Grimstad, men det hjelper lite når bortelaget var det einaste laget som scora mål i kampen. Det betyr at Jerv då har fått ei luke på 4 poeng ned til Hødd før kampen mot Raufoss i morgon.

Dei blåkvite trenger då mest truleg minst 1 poeng i morgon mot Raufoss, men håpet er at det enda med 3 poeng til Hødd. 

Hødd har spelt gode kampar i det siste og sist mot Sogndal vart det produsert fleire store sjansar som kunne enda med flere scoringar til heimelaget. Etter litt stang ut på sjansane, så håper vi det løsna skikkeleg i morgon på NAMMO stadion.

Raufoss på si side har ikkje vunne på fem kampar, den siste kom borte mot Ranheim i september. Forma er derfor ikkje den beste for heimelaget før kampen mot Hødd.

I kampen på Høddvoll i serieopninga var det Hødd som tok det lengste strået og vann kampen 1-0 etter sjølmål av Daniel Fosso Fremstad.

Hødd kan framleis avgjere skjebna sjølv i OBOS-ligaen, men då må laget mest truleg få med seg minst 1 poeng frå NAMMO stadion, men helst 3 poeng for å sette skikkeleg press på Jerv og Åsane dei to siste kampane.

Vi oppmoda alle som er i nærområdet om å møte opp og støtte laget 💙⚽️

Vi ønsker laget lykke til i kampen mot Raufoss!