Før kampen: Hødd - Stabæk

Kampen blir spelt på Høddvoll laurdag 25. oktober klokka 16.00, og vert også vist på TV 2 play.

Obos-ligaen er inne i ei hektisk sluttfase av sesongen, og det tetnar seg til på nedre halvdel av tabellen. Hødd spelte 3-3 heime mot Åsane førre helg, og tapte 0-3 på Gjemselund mot opprykksjagande Kongsvinger i midtveka. Hødd har fem sigrar, tre uavgjort og to tap på sine 11 siste kampar på Høddvoll i Obos-ligaen. 

Hødd rykte opp førre sesong, og var av ekspertane spådd ein tøff sesong. Med det nest minste budsjettet i Obos-ligaen, og med ei spelargruppe med lite erfaring frå nivået, har mannskapet til Marius Bøe slått godt frå seg. Laget ligg på 10. plass, med seks poeng ned til Raufoss på kvalifiseringsplassen. Ein siger til, så vil Hødd gjere sin beste poengfangst i Obos-ligaen sidan 2015.

Dette er laget vi møter

Stabæk var ei eventyrhistorie i norsk fotball. Frå 5. divisjon i 1987 til Eliteserien i 1995. Det kulminerte med seriegull i 2008, og sidan då har laget stort sett spelt i Eliteserien.

Hardsatsande Stabæk er inne i sin andre strake sesong i Obos-ligaen, og har ambisjonar om å returnere til Eliteserien så fort som mogleg. Klubben flyttar neste sesong inn på Nye Nadderud til ein prislapp på nær 1 milliard.

Klubben var tippa i toppen også i år, men har slitt lenge. No ser Stabæk imidlertid ut til å ha funne forma. Laget har berre eit tap siste ni kampar, og har vunne sine to siste mot Åsane og Skeid. Dermed har laget tatt eit viktig steg vekk frå nedrykkskvalifisering. Nær 100 bortesupportarar er venta til Høddvoll laurdag.

Då Stabæk møtte Hødd på Nadderud i vår, enda kampen 1-1. Isak Skotheim skåra Hødd sitt mål foran 150 tilreisande Hødd-supportarar.

Skader og suspensjoner

Ingen av våre spelarar er suspendert til kampen. Det er også lite skader å snakke om, så trenarteamet har ei tøff oppgåve i å ta ut Hødd-troppa. Laguttaket til kampen vert presentert laurdag kl. 15.00.