Før kampen: Hødd – Raufoss
Kampen blir spelt på Høddvoll søndag 18. oktober klokka 17.00. Toppfotball Billettar og kampdagsinfo
Billettar kjøper du her. Oppgjeret blir også sendt på TV 2 Play.
Alt å spele for i serieinnspurten
Midtveka enda med status quo i kampen om den siste playoffplassen, ettersom både Bryne, Hødd, Ranheim og Egersund spelte uavgjort. Med fire kampar igjen av sesongen har Hødd framleis moglegheita til å spele opprykkskvalifisering seinare i haust. Men då må Raufoss slåast på søndag!
Hødd fekk med seg eitt poeng mot Ranheim, og står med seks kampar på rad utan siger i OBOS-ligaen. Likevel ligg Hødd på ein fin 7. plass, men treng ein sterk serieinnspurt for både å behalde plassen og eventuelt klare opprykkskvalifisering. Heime på Høddvoll står dei blåkvite med 7–2–4 denne sesongen.
Cameron Streete står med åtte scoringar så langt i OBOS-sesongen, medan Martin Håheim-Elveseter er oppe på fem nettkjenningar. Manaf Rawufu er på fire scoringar etter målet mot Ranheim.
Raufoss kjempar for framtida
Raufoss kjempar både for å unngå nedrykk og for å unngå konkurs. Det sportslege har kome i skuggen av dei økonomiske utfordringane den siste tida, og det pågår ein økonomisk redningsaksjon i Innlandet som ein framleis håpar å lukkast med.
Dei gulsvarte har berre éin siger på dei siste 11 kampane i OBOS-ligaen, men tok eit sterkt bortepoeng mot Bryne i midtveka. På bortebane står laget med 2–1–9 så langt denne sesongen.
Adrian Rogulj er toppscorar med seks seriemål, medan Rafik Zekhnini står med fire.
- 2026 - OBOS-ligaen: Raufoss–Hødd 1–1 (Streete)
- 2025 - OBOS-ligaen: Hødd–Raufoss 2–4 (Haugland, Visted)
- 2025 - OBOS-ligaen: Raufoss–Hødd 6–1 (Myrlid)
- 2023 - OBOS-ligaen: Raufoss–Hødd 0–1 (Lillo)
- 2023 - OBOS-ligaen: Hødd–Raufoss 1–0 (sjølvmål)
No treng vi di støtte på Høddvoll!
Fire kampar står att. Hødd har framleis alt å kjempe for, og tre poeng mot Raufoss kan bli svært viktige i jakta på opprykkskvalifisering. No handlar det om å stå saman, løfte laget og gi dei blåkvite den støtta dei treng i serieinnspurten!
Ta med familie og kjende, kom på Høddvoll og ver med på å løfte Hødd fram mot tre viktige poeng!
Kampstart er søndag klokka 17.00. Vi sjåast på Høddvoll!
