Før kampen: FK Eik Tønsberg - Hødd
Endeleg seriestart når Hødd møter FK Eik Tønsberg til årets første bortekamp, laurdag kl. 14.00!
Laget har gjort sine saker bra i vinter, fått trena godt, og gjennomført fleire gode treningskampar med sterke resultat mot blant anna Sogndal og AaFK.
Det er ein ung, svolten og offensiv spelargruppe som no skal starte jakta på poenga i årets PostNord-liga!
Bileteserie treningskampar Høddvoll
No venta FK Eik Tønsberg i serieopninga laurdag, og hovudtrenar Marius Bøe delar sine tankar før kampen.
- Vi har heile troppa tilgjengeleg, bortsett frå spelarane som er ute med langtidsskade eller som er i rehab. Så det er stor konkurranse om å få starte på laurdag. Når det gjeld motstandar FK Eik Tønsberg, så kjem vi til å møte eit direkte fotballag, men fart og fysikk, som har imponert under leiinga av Kjetil Kristoffersen. Kjekt at det er fotballfeber og entusiasme i vakre Tønsberg.
- Vi gleda oss til kamp - HEIA HØDD!
Her blir det Hødd-songar, livesending og allsang med Hødd-hymna før kamp!
Quiz i pausa med premie.
Vi ønskjer laget lukke til i bortekampen mot FK Eik Tønsberg!