Før kampen: Fredrikstad - Hødd
Søndag spelar Hødd ny kamp i OBOS-ligaen når laget møter Fredrikstad borte.
Hødd står med to strake sigrar og har verkeleg stått fram som eit lag med energi, løpskraft, duellstyrke og vilje i dei to siste kampane mot Skeid heime og KFUM borte. Dette har resultert i 6 poeng og 3-0 i målforskjell.
Mot Skeid var Hødd det førande laget og vann kampen til slutt 2-0 heilt fortent. Mot KFUM var heimelaget favoritten på førehand, men Hødd var effektive framfor mål, og var botnsolide bakover i bana, og heimelaget skapte knapt ein sjanse løpet av kampen. Ein skikkeleg sterk laginnsats av Hødd-laget!
Fredrikstad er også i god form og tok ein sterk siger borte i toppoppgjeret mot Kongsvinger sist. Laget toppar derfor OBOS-ligaen med 3 poengs luke til Kongsvinger.
Laget frå Plankebyen har våre botnsolide bakover i år, og har slept inn desidert minst mål i årets serie med sine 13 baklengsmål. Laget har heller ikkje tapt heime på Fredrikstad stadion i år.
I heimekampen mot FFK var Hødd svært nære med å ta 3 poeng. Berre eit uheldig sjølvmål på overtid hindra at alle poenga vart igjen på Høddvoll. Kampen enda derfor med 1-1.
No venta ein ny kamp mot FFK på Fredrikstad stadion. Korleis denne kampen går kan du sjå på Brygga Sportsbar, TV2play eller på Nettavisen (Direktesport).
Vi ønsker laget lykke til i kampen mot FFK!
