I samarbeid med hovudsponsor Fjord1 ønsker vi liten og stor velkomne til fotballfest på Høddvoll!
Ca. 100 lag skal i aksjon denne helga og vi gleda oss til ei kjekke turnering.
- Vi ønsker å takke alle klubbar og lag som har meldt seg på årets Fjord1 Cup. Veldig gledeleg med Fjord1 Cup på Høddvoll. Det skal gjennomførast 165 kampar laurdag, og dei første kampane vil starte kl. 10.00 og dei siste vil gå rundt 18.30.
- Det er også venta mykje folk denne helga. Veldig kjekt for oss som arrangør å legge til rette for så stor aktivitet for så mange barn, seier turneringsansvarleg André Aurvåg Gardshol i IL Hødd Fotball.
Stor aktivitet
Det blir stor aktivitet med både 3-ar, 5-ar og 7-ar fotball og i utgangspunktet skal alle kampane gå på stadion.
- Dersom været blir skikkeleg dårleg vil vi ta ei vurdering på om vi flyttar 3-ar fotballen inn i Ulsmohallen, seier Gardshol.
Alle lag vil få minimum 3 kampar under turneringa. For klassene som spelar 3-ar fotball vil det bli spelt minimum 5 kampar, men med litt kortare speletid enn i dei andre klassene.
Mellom kampane kan spelarar og tilskodarar kjøpe seg mat og drikke frå fleire kioskar på stadion. I tillegg blir det kafeteria oppe i 2. etg på stadion der ein kan sette seg inn, og varme seg mellom kampane.
Premiering og fordelar
Det vil også bli delt ut flotte pokalar frå vår hovudsponsor Fjord1 til alle spelarane som deltek på Fjord1 Cup.
I tillegg vil alle trenarar og spelarar få rabatt på kino og på Ulsteinbadet denne helga i samarbeid med Ulstein Kommune.
Stor frivilligheit
- Utan over 100 frivillige som står på under turneringa ville vi ikkje hatt moglegheit til å gjennomført Fjord1 Cup. I tillegg til sponsorinntekter, er Fjord1 Cup ein av dei viktigaste inntektskjeldene til Hødd Fotball si breiddeavdeling i 2023, seier dagleg leiar Per Arve Moldskred.
Viktig samarbeidspartnar
- Fjord1 er ein viktig samarbeidspartnar for Hødd Fotball, og vi er stolte over å samarbeide med ein engasjert samfunnsaktør som støttar aktivitet inn mot barn og unge. Det at vi kan arrangere noko i fellesskap som Fjord1 Cup er derfor svært gledeleg. I samarbeid med Fjord1 håper vi derfor alle får ei flotte turnering på Høddvoll til helga, seier Moldskred
Vi ønsker alle lag lykke til på turnering!
