#ejemed: Sesongkorta går unna
Bjørnar Urke (til høgre) og Andreas Djupvik har fornya sine sesongkort.
Sesongkortsalet går bra, og vi tok ein prat med to av dei som var innom Høddvollhuset for å kjøpe sesongkort tysdag formiddag.
Viktigaste no er å bygge eit kjempegodt lag
- Mitt håp for 2017-sesongen er at Hødd startar bygginga av eit kjempegodt lag, og at gutta skal spele gode kampar, seier Bjørnar Urke.
Han har sett kampar sidan 1960-talet, og har hatt sesongkort i fire år no.
- Er du i slekt med Hødd-keeper Jan Lennart Urke?
- Nei, det er eg ikkje, men eg kjenner han godt.
- Trur du Hødd vert eit topplag neste år?
- Eg er ikkje sikker på at det vert opprykk, men viktigaste no er som sagt å bygge lag og spele gode kampar, avsluttar Bjørnar.
Håpet er enda fleire spelarar frå distriktet
Andreas Djupvik har hatt sesongkort på Høddvoll heilt sidan klubben starta å selge sesongkort, og har fulgt Hødd sidan 1950-talet.
- Kva er ditt håp for Hødd i 2017?
- Håpet er at Hødd klarer å etablere eit godt lag med fleire spelarar frå distriktet, og då gjerne med spelarar frå junioravdelinga i klubben. Om det tek to år å spele seg opp igjen i OBOS-ligaen, så har eg tålmodigheit til det, seier Andreas.
#ejemed
