- Eg synest det gjekk greit for min eigen del
Elias Martin og Norge G17 tapte åpningskampen mot England i G17-EM.
Norge G17, med Elias Martin Flø i startoppstillinga, opna EM-sluttspelet i Kroatia mot England i dag torsdag. Dei norske gutane hang godt med mot ein av forhåndsfavorittene i turneringa. Til slutt vant England 3-1, der Liverpool sin Rhian Brewster scora to av måla.
Elias Martin, som spelte 63 minutt av kampen, synest både for sin eigen og laget sin del at det gjekk greit.
- For min eigen del gjekk det greit. Eg hadde nokon ballmiss, og skulle gjerne ha stoppa overgangen dei fekk på 1-1 målet. For laget sin del synest eg vi var gode defensivt, der England har godt tempo i pasningsspelet sitt. Offensivt skulle vi gjerne tatt betre vare på overgangane vi fekk.
Landslagstrenar Erland Johnsen seier til fotball.no at dei norske gutane leverte ein grei kamp mot eit av dei beste laga i Europa, noko du kan lese meir om her. Neste kamp er søndag klokka 17:45 mot Nederland.
Norge - England 1-3 (1-2)
Mål:
1-0: Sjølvmål 1-0 (8 min)
1-1: Rhian Brewster (10 min)
1-2: Rhian Brewster (36 min)
1-3: Phil Loden (78 min)
NORGE (4-1-4-1): Mads Christiansen - Fabian Rimestad, Erik Tobias Sandberg, Colin Rösler, Emil Kalsaas - Johan Hove - Erik Botheim, Mikael Ugland, Elias Martin Flø, Erling Braut Håland - Jørgen Strand Larsen.
