Dobbel Hødd-heider i august
Martin Håheim-Elveseter er kåra til månadens unge spelar i OBOS-ligaen for august! Samtidig er hovudtrenar Ivan Poulsen kåra til månadens trenar. To flotte utmerkingar etter ein sterk august månad for Hødd! Toppfotball
Månadens trenar: Ivan Poulsen, Hødd
Han har leia Hødd til siger i fire av fem kampar i august. Laget har levert sterke prestasjonar mot tøff motstand og halde fram med å hevde seg svært godt i konkurransen med fleire sterke lag. Poulsen har fått mykje ut av spelargruppa, og resultata i august gjer han til ein fortent vinnar av prisen som månadens trenar. Ein jury beståande av Norsk Toppfotball og TV 2 kårar Ivan Poulsen til månadens trenar i OBOS-ligaen for august.
Månadens unge spelar: Martin Håheim-Elveseter, Hødd
Han kom nyleg tilbake til Hødd på lån, og fekk ein umiddelbar effekt på laget. I august scora han fire mål og leverte to målgivande. Han har raskt vist både målteft og kvalitet i avgjerande situasjonar, og vore ein viktig bidragsytar til Hødd sin sterke august. Ein jury beståande av Norsk Toppfotball og TV 2 kårar Martin Håheim-Elveseter til månadens unge spelar i OBOS-ligaen for august.
Vi gratulerer!
