Bli med i Hødd-familien – vi vil høyre di historie

Hødd Fotball lanserer no eit nytt konsept: Hødd-familien. Dette er eit levande portrettarkiv av supportarar, frivillige, samarbeidspartnarar, familiar, barn, besteforeldre, utflytta sunnmøringar og alle som gjer Hødd til meir enn berre ein fotballklubb.

Vi vil møte menneska bak klubben. Vi vil høyre kva Hødd betyr for deg. Korleis det kjennest å stå på tribuna. Kva augeblink du hugsar best. Kven du går på kamp med. Og kva kjensler som kjem når fløyta går.

Vi inviterer deg framfor kamera

Dette er di moglegheit til å fortelje di Hødd-historie framfor kamera.

Vi ønskjer å snakke med folk i alle aldrar, med ulike bakgrunnar og ulike band til klubben – frå dei som har fast plass på tribuna år etter år, til dei som nettopp har oppdaga gleda ved Hødd og Høddvoll.

Alle historier er viktige.

Kva er Hødd-familien?

Hødd-familien er eit nytt konsept vi utviklar i klubben for å:

• Synleggjere menneska som gjer Høddvoll til ein unik møteplass
• Løfte fram den ekte kjærleiken til klubben – fortald av folket sjølve
• Bygge fellesskap mellom Hødd-venner på tvers av alder, generasjonar og bakgrunn
• Skape innhald som speglar kven vi er som klubb og lokalsamfunn

Kva får du igjen for å vere med?

Dette er ei unik moglegheit til å:

• Bli ein synleg del av Hødd si historie og merkevare
• Bli kjend med fleire i og rundt klubben
• Få eit innblikk bak kulissene i kvardagen til Hødd
• Vere med og styrke fellesskapet i Hødd-familien

Du treng ingen erfaring framfor kamera. Det viktigaste er at du har noko på hjartet – og at du bryr deg om Hødd.

Vi gler oss til å høyre frå deg

Hødd-familien er stor, stolt og mangfaldig. No vil vi vise det fram.

Bli med og skap noko spesielt saman – for klubben, for Søre-Sunnmøre og for alle som bryr seg om Hødd.

👉 Meld di interesse her (lenkje til skjema)