Etter 4-3 samanlagt mot Arendal over to kampar i første kvalifiseringsrunde er vi no klare for dei siste og avgjerande kvalifiseringskampane mot Stjørdals-Blink!
Første kamp går heime på Høddvoll førstkomande onsdag 1. desember kl. 19.00.
Bortekampen er satt opp laurdag 4. desember kl. 16.00. Har du tenkt deg på bortekampen? Blåsarane supporterklubb vil kanskje sette opp buss til Stjørdal, så følg med på deira Facebook-side!
ALLE PÅ KAMP!
Onsdagens kamp mot Stjørdals-Blink er ein av dei viktigaste kampane til Hødd på veldig mange år. Her står det om spel i OBOS-ligaen neste år!
Ta med deg familie, venner og kjente på kamp. Til fleire vi er, til meir støtte og energi får laget ute på bana!
Vi oppmoda derfor folk til å dele og like saker vi legger ut i sosiale media slik at flest mogleg får med seg den viktige informasjonen.
BILLETTINFORMASJON
Vi opnar for sal av billettar måndag kl. 12.00!
Grunna kort tid til neste heimekamp vil alle billettane bli lagt ut for sal samtidig. Her er det rett å slett først til mølla og vi ber derfor alle om å kjøpe billett med ein gang billettane blir lagt ut for sal!
Ønsker du å reservere plassen din på sesongkortet? Send e-post til [email protected]!
Send følgjande informasjon.
Namn:
Telefonnummer:
Felt:
Rad:
Sete:
Frist for å reservere er måndag kl. 09.00!
Frist for å kome innom Høddvollhuset å betale eller Vippse er måndag kl. 12.00! Etter dette tidspunktet vil plassane bli frigjort igjen om du ikkje har betalt for dei.
Vi minner om at ALLE må kjøpe billett til kampen. Sesongkortet gjeld ikkje i kvalifiseringskampane. Berre dei med akkreditering og NFF kort har gratis inngang på kampen.
Vi oppmoda også alle om å kjøpe billett via vårt billettsystem på nett eller mobil via TicketCo appen. Då unngår du billettkø på kampdag og du kan scanne billetten din og gå rett inn.
NB! Vi har ikkje kapasitet til store billettkøar på kampdag, og vårt klare råd er derfor at dei aller fleste sikra seg billett på førehand!
Det blir også mogleg å sikre seg kampbillett på Høddvollhuset:
Måndag 12.00 - 16.00 / 18.30 - 20.00
Tysdag 09.00 - 15.30 / 17.00 - 20.00
Følg med på vår Facebook-side fortløpande ved evt. endring i tidspunkta over!
Det blir ikkje mogleg å kjøpe kampbillett på Høddvollhuset utanom desse tidene. Dette gjeld også på kampdag, då administrasjonen er opptatt med andre arbeidsoppgåver knyta til arrangementet. Ønsker du å kjøpe billett på kampdag, så gjer du dette på vårt billettkontor 1t 30min før kampstart, men då er vår anbefaling at du møter opp i god tid i forkant av kampen for å unngå kø ved billettkontoret.
BILLETTPRIS
Hovudtribune
Vaksen - 150kr
Barn/ honnør/ student - 100kr
VIP - 550,- (inkl. kampbillett, mat og drikke før kamp, og dessert i pausen)
VIP meny: Brygga Sportsbar serverer ein saftig Bacon Cheese Burger m/ Pommes Frites. Kaffe og mineralvatn til maten. I pausen vert det servert kake og kaffe.
Les meir i VIP-invitasjonen som kjem måndag morgen!
Sparebanken Møre tribunen
Vaksen - 100kr
Barn/ honnør/ student - 50kr
Bortesupportar - 100kr
Blåsartribunen
Blåsar - 50kr
Tilreisande bortesupporterar vil kunne kjøpe billett på FELT J på Sparebanken Møre tribunen.
Vi er spenna klar for kvalifiseringskamp til OBOS-ligaen og håper også du tek turen denne dagen å støttar dei blåkvite!
Vi ønsker deg hjerteleg velkomen til Høddvoll!
HEIA HØDD!
