Bendik August Engen har signert proffkontrakt med Hødd
Bendik August Engen signerte i dag ei proffkontrakt med Hødd ut 2022-sesongen.
Bendik kom først til Hødd i 2017 og spelte her ut denne sesongen før han gjekk tilbake til Hareid. Bendik hadde ei fin utvikling i 4. divisjon med Hareid i 2018 og kom derfor tilbake til Hødd i 2019.
I 2020 fekk han debuten sin i PostNord-ligaen heime mot Skeid. Han skora sitt første mål for Hødd i denne kampen og vart matchvinnar i 1-0 sigeren.
I år står han med 2 mål etter 5 serierundar, der begge måla kom borte mot Vålerenga 2.
Bendik har hatt ei fin utvikling i Hødd det siste året og er no med å kjempa om plass i start 11aren. Det er derfor fullt fortent at han no får proffkontrakt med Hødd. Dette er kjekt både for Hødd og Hareid som har vore med å utvikla ungguten.
Vi gratulerer Bendik med proffkontrakt og ønsker han lykke til vidare i Hødd-drakta!