Michael Karlsen (bilete) sende Hødd i leiinga etter 10 minutt, og Hødd-spissen var god og skora hat-trick i fyrste omgong. Elias Nonso Lala og Eirik Heltne noterte seg også på skåringslista før halvtid, og Hødd 2 gjekk til pause med leiing 5-0.

I andre omgong skåra Heltne sitt andre for dagen i tillegg til eit sjølvmål, slik at sluttresultatet vart 7-0 i ein kamp der Hødd 2 dominerte frå start til slutt.

- Ein godt gjennomført kamp av oss der nye relasjonar fungerte godt. Eg er særs nøgd med inngong og gjennomføring av kampen. I periodene med balltempo leverar vi flott angrepsfotball og fine skoringar, samstundes som vi er solide bakover. Vi har mange gode fotballspelarar som nyttar og utviklar ferdigheitene sine ved hjelp av entusiasme og fotballglede, sa Moldskred etter kampslutt.