Sterk 3-2 siger i serieopninga
Les referatet frå Hødd 2 sin sterke 3-2 siger mot Bergsøy fredag!
1. omgang
Fredag kveld tok rekruttlaget ein knallsterk bortesiger mot Bergsøy i serieopninga i 4. divisjon. Hødd 2 tok leiinga 1-0 etter eit flott angrep med flotte kombinasjonar av Johannes Sundgot og Isak Haanes - der sistnemnte satt ballen sikkert i mål med ei god avslutning. 1-1-målet kom like etter på ein corner. Dette var også resultatet til pause.
2. omgang
Etter sidebytte tok Bergsøy leiinga 2-1 på nok ein corner - etter eit akrobatisk brassespark av Frank Sverre Skorpen. Frå dette målet og ut kampen var Hødd 2 det førande laget - noko som gav utteljing etter kvart. Fyrst scora William Fjørtoft på eit innlegg frå Eirik Saunes, før Gustav Dimmen vart felt inne i 16-meteren og skaffa eit straffespark - som Eirik Saunes sette sikkert i mål. Bergsøy kasta alle mann i angrep mot slutten, men rekruttane stod i mot og vann til slutt 3-2!
Viser karakter
Hødd-trenar Sander Nyland gav følgande kommentar etter kampen: "Periodevis ein god kamp, men vi slit også i perioder mot eit godt Bergsøy-lag - som stod høgt på oss. Vi er fornøgd med at vi kjem tilbake etter å komme under 1-2 - det viser karakter. Etter 1-2-målet til Bergsøy presterer vi veldig godt - og fortjente å få dei to måla som gav oss sigeren. Mykje å bygge vidare på - og mykje vi kan lære av!".