Kampar for A-laget og Hødd2

A-laget møter Førde, mens Hødd2 skal til Oslo for å møte Oppsal

Laurdag spelar A-laget treningskamp mot Førde. Kampen går på Nordfjordeid med avspark klokka 13.00. 

Etter to veker med ferie var A-laget tilbake på treningsfeltet på mandag. Det har vore fire gode treningsøkter på fem dagar, og no ventar ein treningskamp i helga. Deretter ventar ei ny treningsveke som blir avslutta med seriekamp borte mot Kjelsås, laurdag 21.07 klokka 16.00.

Jan-Lennart Urke trenar framleis mykje alternativt, det same gjer Andreas Breimyr, men begge er i framgang og er med på delar av fellesøktene. Isak Skotheim er også uaktuell til kamp i helga. Det er enda uvisst når vi kan vente å sjå Jan-Lennart på plass mellom stengene, men vi håper at både han, Andreas og Isak snart er skadefri og fullt restituert. 

Hødd2 har siste seriekamp før ferien på søndag, og reiser til Oslo for å møte Oppsal. Laget reiser nedover på søndag morgon med ei solid tropp - og kampen har avspark klokka 15.00. Etter helgas kamp mot Oppsal er det ferie i Norsk Tipping-ligaen, og neste kamp for Hødd2 er mandag 13. august heime mot Drøbak-Frogn.

Vi ønskjer lukke til med helgas kampar!

Annonse: