HØDD I 100 - KICK-OFF FOR JUBILEUMSÅRET
IL Hødd fyller 100 år i 2019. Vi inviterer alle som er glade i klubben til familiearrangement med historisk sus på Sjøborg laurdag 26. januar kl. 19.00.
Hødd 100 år i 2019
Vi har tatt oss ein prat med Arne Flatin som er med i jubileumskomiteen. Her kan du lese om det som skjer på Kick-Off i januar, men også løpet av jubileumsåret.
Det blir avspark for jubileumsåret på Sjøborg kulturhus i januar. Kva kan du seie om arrangementet?
- Dette skal vere ei markering av starten på jubileumsåret for klubben og derfor blir dette arrangementet lagt til januar. Det blir fleire intervju på scena med sentrale Hødd-profilar frå fotball, handball, turn og friidrett frå 1950 og utover. Det har også blitt laga ein jubileumskolleksjon som blir presentert og her kan du få kjøpt retro-drakt, skjerf, hue, ballar og krus etter at arrangmentet er ferdig.
- Dette arrangementet er det jubileumskomiteen som står bak og det har blitt jobba godt det siste året.
Billettar
Billettane er gratis å kjøpe og desse kan du få kjøpt via Sjøborg sitt billettsystem. Dette gjer at dei som kjøper billett kan få velje plassar sjølv og at dei får sete i lag dersom det er ønskeleg. Det blir satt ei maksgrense på 6 billettar per. person.
Du kan kjøpe billettar på sjoborg.no, i kafeen på Ulstein Arena (Vikemyra 2, telefon 70 01 77 00, opningstider) og i Kinokiosken (ope 45 min før kvart arrangement).
Billettpris kr 0,-
Du kan gjennomføre eit "kjøp" på vanleg måte, for å sikre deg plass.
Andre markeringar gjennom jubileumsåret
- Det blir ei stor markering under "Smak av Ulstein" der Hødd er godt representert frå dei ulike gruppene.
- Løpet av året blir det også ein jubileumsfest på Ulstein Arena.
- Der vil også kome ei jubileumsbok som ikkje er kronologisk som tidlegare bøker, men med 100 gode historier med bileter.
- Fotoutstilling med bileter frå Hødd si historie.
- Markering under Norway Cup 1.august. Det er mange lag som er med frå Hødd denne veka og planen er å få til noko med Hødd-fana som ei markering, og kanskje synge Hødd-hymna på sletta. Det har også blitt snakka om å ta kontakt med TV2 for å få ein Hødd-kamp på TV. Det blir mest truleg også ei markering i Ulsteinvik sentrum eller på Høddvoll denne dagen.
- Hødd-monumentet kjem også på plass løpet av 2019.
- Jubileumskamp på Høddvoll.
- Historielaget i Ulstein vil også ha ei historisk vandring på Høddvoll.
- Blåsarane planlegger grilldag på Høddvoll.
Det er mykje som skjer løpet av jubileumsåret og det blir ei flott markering av 100-års jubilanten! Vi gler oss!