Bam Hide (Wachirawut Phudithip) signerte i dag ein to-års avtale med Hødd. Den offensive midtbanespelaren står oppført med 35 seriekampar for Hødd 2 og debuterte også for A-laget heime mot Egersunds IK i 2018. Bam har trena med A-laget sidan i fjor sommar og vart i fjor haust flytta opp i A-stallen.

Sportssjef Andrè Nevstad seier dette etter at avtalen er signert:

- Vi er svært glade for å ha med Bam vidare i Hødd. Han debuterte i fjor heime mot Egersunds IK og fekk til saman to kampar i PostNord-ligaen i 2018. Bam er ein spanande spelar med gode kvalitetar som vi håper å vidareutvikle i åra som kjem. Ein god 1. forsvarar, samtidig som han er god til å skape ubalanse på motstandarens banehalvdel. 

Vi gratulerer Bam!